Bei dieser Plattbeats-Saison freuen wir uns sehr über seinen Song „Rüchsack“. Reinhören in den Song „Rüchsack“ (3:20 min) könnt ihr hier.

Rüchsack

Du büst mien Rüchsack,

Ik kann ümmer up di tellen,

Heff ik di mal vergeten

Mark ik foorts, dat du mi fehlst

Dreeg de Last för di

Starkst mien Rüch för mi

Hangst an mi,

Liekers drückst du mi nich doot

Ik heff

Di up’t hööchst

Bi de Arbeit nich sehn

Glieks wenn ik di heff

Kann mien Hart blot selig ween

All fraagt, wat ik sünner di leven kann

Naja, jichtenswat fehlt denn, man

Dat gifft so veel Grünn

Worüm ik di mag,

Man wöör ik de singen,

Bruuk ik sekern n Dag.

Seggen di dat in’t Gesicht –

Worüm krieg ik dat nich hen?

Wo schallst du dat

Dör den Text

Jemals rutfinn’n?

Du büst wat,

Wat ik leider

Eerst to laat sehn heff:

Du büst grootoordig

Ik haap

Dat warrt

Di oft noog seggt

Even

Weerst du noch bi mi

Nu bün ik alleen

Wat is sund?

Wann warrt wat krank?

Du büst ümmer dor,

wenn ik di bruuk,

geef ik di düt Föhlen ok?

Ik wessel di nich

Ik flick di

Dormit du wedder heel büst

Mit Narven verseh‘n,

Liekers so as jedeen vun uns

Eenfach wunnerschöön

Jichtenswann büst du verbruukt

Ümmer dat Sülve,

Wat du in di hest

Du giffst ümmer

Dat wedder

Wat ik di geven heff

Knapp noch to bruken

Oolt un runz’lig

Man nich up de schöne Oort

Sünnern up de: Heff-ik-di-noch-bi-mi-oder-laat-ik-di-to-Huus-Oort?

Laat ik mi mit di noch sehn?

Könnt wi noch tosamen ween?

Oder denkt denn all,

Dat ik mi ok

Gahn laten heff

Wi hebbt tosamen

So veel beleevt

Een Hart un en Seel

Dorüm fraag ik mi

Schall dat würklich

So to Enn gahn

Ja, schall dat würklich so to Enn gahn?

Ja, ik fraag, schall dat würklich so to Enn gahn?

Wat is sund?

Wann warrt wat krank?

Du büst ümmer dor,

wenn ik di bruuk,

geef ik di düt Föhlen ok?