Bei dieser Plattbeats-Saison freuen wir uns sehr über ihren Song „Nachtschicht“. Reinhören in den Song „Nachtschicht“ (3:43 min) könnt ihr hier.

Nachtschicht
Mien Shirt, dat rüükt na Angstschweet,
ik höör de Stillnis, de mi anschreet.
Dat Verspreken op ewig kann’k nich mehr ansehn,
Hannen bevert, Ogen traant, Endlichkeit schall verdammt ween.
Op den letzten Tritt, dor bliev ik stahn,
denn eigentlich is’t doch to goot, üm graad to gahn.
Vermiss di – will di nich sehn,
denn ik weet, wenn du mi sühst, denn heff ik allens to verleern.
Fehlslääg liggt in de Luft,
un villicht weer dat, ik weet, ok eenfack to veel Druck.
Villicht langt de Tiet nich för mehr as för’n Kuss,
un de Töver vun domals höllt för uns twee nich bit to’n Sluss.
Fuck, ik kann düsse Trennungssongs nich utstahn,
wenn de wedder luut warrt, will ik eenfack blot hier rutkam’n.
un ik schriev nie wedder Leevsleder,
denn höör ik mien Album, glööv ik, treck’t mi deeper.
Will bi di blieven, man dat klappt nich,
dat ik lied, dat weer nie Afsicht,
du leevst mi nich, ik hass nich,
doch ik schuuv de neegste Nachtschicht.
Will bi di blieven, man dat klappt nich,
dat ik lied, dat weer nie Afsicht,
du leevst mi nich, ik hass nich,
man nu ennt düsse Afsnitt.
Un wi Twee, hebbt en Stück vun’n Weg uns deelt,
doch ik weet nu Bescheed, dat neegste Stück gah ik alleen.
Du seggst: „Villicht kunn een sik mal sehn mit de Tiet.“
Aver ne, deit mi leed, wiel dat mien Seel ut’nannerritt.
Heff weent in dien Arms un di mien Narven wiest,
de Naam vun de neegste dorvun is nu dien.
Bi di Heimat as’n Goorn, dat weer so licht so vele Daag,
nu drifft’t mi rut op Straat. Dat, wat blifft, sünd veel Fragen.
Weer’t de Tiet würklich weert? Ja!
Dat weer eenfack nie swoor, man villicht weer keen Eernst dor.
Un mien Hart, dat’s nu kloor,
stiggt nich hooch ganz un goor,
man de Swoorkraft drück’t daal.
Maak mi keen Vörholt, heff geven, wat ik geven kann,
man wenn du’t nich föhlst,
sünd wi twee villicht nich selenverwandt.
Maak di keen Vörholt, deist du di sülvst vörholen,
wünsch di allens Gode, man mien Welt is nu koolt.
Will bi di blieven, man dat klappt nich,
Dat ik lied, dat weer nie Afsicht,
du leevst mi nich, ik hass nich,

doch ik schuuv de neegste Nachtschicht.
Will bi di blieven, man dat klappt nich,
Dat ik lied, dat weer nie Afsicht,
du leevst mi nich, ik hass nich,
man nu ennt düsse Afsnitt.
Will bi di blieven, man dat klappt nich,
Dat ik lied, dat weer nie Afsicht,
du leevst mi nich, ik hass nich,
doch ik schuuv de neegste Nachtschicht.
Un wi Twee, hebbt en Stück vun’n Weg uns deelt,
doch ik weet nu Bescheed, dat neegste Stück gah ik alleen.
Du seggst: „Villicht kunn een sik mal sehn mit de Tiet.“
Aver ne, un nu ennt düsse Afsnitt.