Plattdüütsche Latin/Pop von der 6b aus Lübeck.

Come You Mit I – Ward dat wat?

Song

Text

As ik op mien Wulk so tövte,
Un mien Mudder an mi glövte,
Dar bugseerte ik mi gau in er Buuk,
Mit de Vadder dör de Luuk.

Un de erste Gedanke in er weer,
„Heff ik nu wat inne Röhr?
Oh, dat weer mien grötste Wunsch,
denn treck ik nimmermehr een Flunsch“.

 

Und achter kotte Tid is dat klar
Ne, wat is dat schön, wunnerbar.
Doch de Angst-und Twiefel-Düvel, ik segg di dat,
De fragt jümmers:
„Ward dat wat?“

Klar, dar keem ik op de Welt,
mien Öllern er Glück rundum ind Dörp vertellt,
ne, wat söd un propper Kind,
so as Babys jümmers sind.

De tweete Gedanke nu in mien Öllern weer,
un de Harten wurrn vor Sorgen schwer,
wieso hett unser Kind noch keen Teen und Haar,
ok lopen fallt em bannig schwor.

Avers achter kotte Tid is allens klar, doch…
…Ward dat wat?“

Dann kem ik inne School,
Dar seet ik artig op mien Stohl,
af und to heff ik ok Quatsch mokt,
Dat hett mien Öllern gliks richtig schockt.

De dritte Gedanke vun mien Öllern weer,
un wenn de School för uns Kind is nu to schwer
Wenn he sien Afschlutt nu ne schafft
Denn kriggt he ok ind Beruf nix rafft.

Und achter kotte Tid is dat klar
Ne, he hett sien Abitur , wunnerbar.
Doch de Angst-und Twiefel-Düvel, ik segg di dat,
De fragt jümmers:
„Ward dat wat?“

Ik verschon jüm vun de ganze Rest,
denn de Jung, de leevt sien Leven best.
Het en Job, Fru, Kind und Hus,
Kümmt ok bi’d lopen nich ut de Pust.

Hebbt de Öllern nu endlich Ruh.
Mackt se de Büchs von Pandorra to?
Oder sünd nu de Enkelkinner dran,
Nee, man fragt sick, wann höllt se op, wann.

 

Und achter kotte Tid is dat Unutwichiche dar.
Ne, se sünd nu dot, sonderbor.
Denn de Angst-und Twiefel-Düvel, dat segg ik di,
de fragt nu mi:
„Ward dat wat?“
Jo, dat ward wat.
Meenst du?
Jo, klar.
Sicher.
Jo.
Avers..?
Nee.
Un wenn?
Hol op.
Mak ik.
Ward dat wat?

 

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.